Haziri: Lajm i mirë suksesi i bizneseve në kohë pandemie

Haziri: Lajm i mirë suksesi i bizneseve në kohë pandemie

Kryetari i Gjilanit, Lutfi Haziri, e ka përgëzuar kompaninë Tina Ceramika, e cila sot ka zgjeruar kapacitetet duke e hapur pikën e biznesit afër fshatit Livoq i Ulët.

Në ceremoninë e inaugurimit, Haziri tha se e gëzon fakti kur sheh suksese tek operatorët privatë në këtë kohë pandemie.

“Zgjerimi i kapaciteteve dhe zhvendosja e showroom në këtë vend, tashmë është tregues i suksesit. Përkundër ballafaqimit me pandeminë, suksesi i këtij biznesi dhe i bizneseve të tjera në Gjilan, është lajm i mirë”, ka thënë Haziri.

“Shumë shpejt do të fillojmë edhe me zgjerimin e rrugës në drejtim të Livoq i Ulët- Kllokot dhe me këtë do të ndihmohet edhe zhvillimi i aktiviteteve të bizneseve sikur Tina Ceramika. I uroj shumë suksese familjes Ajeti për zgjerimin e kapaciteteve”, shtoi Haziri.

Në emër të kompaninë Tina Ceramika, foli Besa  Ajeti, e cila e ka falënderuar kryetarin Haziri për prezencën dhe mbështetjen, sikurse edhe për të gjithë të pranishmit. /2LONLINE.com/

KOMENTE