Haziri: Komuna e Gjilanit është duke bërë pastrimin dhe dezinfektimin e vazhdueshëm të rrugëvefotoilustrim

Haziri: Komuna e Gjilanit është duke bërë pastrimin dhe dezinfektimin e vazhdueshëm të rrugëve

Kryetari i Komunës së Gjilanit, Lutfi Haziri ka potencuar veprimet që është duke i ndërmarrë Komuna e Gjilanit në pastrimin dhe larjen e rrugëve dhe trotuareve në vazhdimësi si dhe dezinfektimin e tyre në zonën urbane dhe do të vazhdohet edhe në zonat rurale kryesisht fshatrat e mëdha.

Apelohet gjithashtu që asnjë qytetarë të mos haset në deponinë regjionale sepse ajo zonë mund të jetë potencial për sëmundje të ndryshme, por edhe për Covid 19. Në të njejtën kohë, kryetari Haziri ka bërë thirrje për largimin e të gjitha panove nga objektet publike dhe ndërtesat me bashkëpronarë.

“Nuk është koha për aktivitete komerciale dhe as mesazhe politike. Të gjitha panot dhe reklamat e ndryshme që janë të vendosura tashmë nëpër pjesë të ndryshme të qytetit, kanë afatin që të largohen deri këtë të premte, në të kundërtën ato do të largohen nga autoritetet komunale, në mënyrë që të krijohet hapësira për mesazhin për shëndetin publik”, ka thënë kryetari Haziri.

KOMENTE