Haziri kërkon nga Jahjaga të tregohet e dinjitetshme dhe unifikuese

(2L ONLINE) – Nënkryetari i LDK-së Lutfi Haziri ka kërkuar nga presidentja e vendit Atifete Jahjaga të tregohet e dinjitetshme dhe unifikuese. Haziri i ka rikujtuar presidentes Jahjaga, edhe presidentët e mëparshëm dhe angazhimet e tyre për t’u ballafaquar edhe me sfida më të mëdha, derisa kësaj i mbetet të zgjidh një situatë të vogël politike!

Haziri, i cili është edhe kryetar i komunës së Gjilanit, i ka kërkuar presidentes së vendit ta viziton Gjilanin, për të parë, siç shprehet Haziri, “se si po e mbajmë shtetin në ‘këmbët e qelqit’, ku ngërçi nënkupton mungesë buxheti dhe marrje të taksave komunale nga Qeveria brenda natës!”

Ja postrimi I potë I Hazirit në profiling e tij zyrtar në facebook:

Për presidenten e Republikës,
Ne qytetarët dhe të zgjedhurit e Republikës jemi të vetëdijshëm se jeni në Zyrën kryesore për të përfaqësuar unitetin dhe jeni pasuese e Dr. Ibrahim Rugovës – presidentit historik, Dr. Fatmir Sejdiut – presidentit të pavarësisë, derisa për pak ditë edhe të ekselencës e tij Behgjet Pacollit – Bacit, të cilin LDK e nxori nga zyra. Mbaje në mend se të sipërpermendurit e kanë udhëhequr popullin e Kosovës me sfida e probleme të mëdha madje edhe sfida lufte! E Ju, zonja Presidente, e keni në mandat që ta zgjidhni një situatë të vogël politike! Të lutem, tregohuni e dinjitetshme dhe unifikuese. Dërgojeni në Gjykatën Kushtetuese për interpretim nenin 117 dhe uroje pesë vjetorin e themelimit të këtij institucioni. Dërgojeni pyetësorin dhe ndihmojeni vendin për dalje nga kjo situatë. Pas kësaj, edhe pozita e juaj si Presidente do të besohet përnjëmend, e jo ajo që thuhet se jeni ‘Marioneta e këtij vendi’. Zgjidheni vetë: unifikuese apo marionetë! Për fund, ju ftoj ta vizitoni Gjilanin dhe Anamoravën për të parë se si po e mbajmë shtetin në ‘këmbët e qelqit’, ku ngërçi nënkupton mungesë buxheti dhe marrje të taksave komunale nga Qeveria brenda natës! LH