Haziri: Jam i sigurt që nga festivalet e Rising Stars do të dalin yje të mëdha në botë

Kryetari i Gjilanit, Lutfi Haziri, në hapje të festivalit ndërkombëtar të muzikës “Rising Stars”, ka thënë se është i sigurt se nga ky Festival do të dalin yje të mëdha në botë.

Në këtë festival, i cili është organizuar në resortin turistik “Vali Ranch Resort & Congress Center”, 32 shtete të botës po marrin pjesë, me 170 garues.

“Arta Haziri dhe ekipi i saj i Rising Stars, jo vetëm në Kosovë, por edhe përtej saj, ka organizuar, përgatitur dhe plasuar fëmijët tanë në festivale të ndryshme në botë dhe Gjilanit i ka dhënë emër e respekt. Jam i nderuar të flasë sot para jush dhe besoj shumë që do të hapni rrugë për fëmijët tanë dhe jam i sigurt që nga këto festivale do të dalin yje të mëdha në botë”, ka thënë kryetari Haziri.