Haziri i ka dërguar telegram ngushëllimi familjes Shaqiri

Haziri i ka dërguar telegram ngushëllimi familjes Shaqiri

Telegram ngushëllimi

Kryetari i Lidhjes Demokratike të Kosovës, Dega në Gjilan, Lutfi Haziri, i ka dërguar telegram ngushëllimi familjes Shaqiri, me rastin e ndarjes nga jeta të veprimtarit të shquar të çështjes kombëtare, Irfan Shaqiri.

E nderuara familje Shaqiri,

Me pikëllim të thellë e mora lajmin për ndarjen nga jeta të atdhetarit e patritotit të shquar, Irfan Shaqiri.

Ai nuk u tremb asnjëherë duke punuar për të mirën dhe të drejtat e shqiptarëve të Kosovës, madje as si i burgosur politik, bashkë me Adem Demaçin e Rexhep Malën, për rezistencë politike në luftën çlirimtare dhe në ndërtimin e shtetit.

Gjilani humbi një veprimtar të jashtëzakonshëm i cili parreshtur punoi për të mirën e përgjithshme dhe ne do ta kujtojmë përgjithmonë për kontributin e tij.

Ëndrra e tij për të jetuar të bashkuar mbetet amanet për ne dhe gjeneratat tjera.

Ngushëllimet më të sinqerta familjes, shokëve, miqve e bashkëveprimtarëve.

Zoti ua lehtësoftë dhimbjen!