Haziri: Hyseni e Çollaku të punojnë për liberalizim të viza

Kryetari i Komunës së Gjilanit dhe anëtari i Kryesisë së LDK-së, Lutfi Haziri, u ka bërë thirrje ministrave Hyseni dhe Çollaku që të punojnë nga 24 orë në ditë.

Kryetari i Komunës së Gjilanit dhe anëtari i Kryesisë së LDK-së, Lutfi Haziri, u ka bërë thirrje dy ministrave në qeverinë e Kosovës, ministrit të Brendshëm Skënder Hysenit dhe atij të Integrimeve Bekim Çollaku që të punojnë nga 7 ditë në javë dhe nga 24 orë në ditë.
Ata, sipas tij Haziri e kanë për detyrë të menaxhojnë krizën e humbjes së shpresës dhe marrin datën për liberalizimin e vizave.

Postimi i plotë i Hazirit:
Kryeministri i ri i Republikës, pas vendimit për faljen e borxheve të qytetarëve për periudhën para idenpedente (vlen të theksohet se është pjesë e programit dhe vendim i qëlluar), tash duhet sjell vendimin e dytë: Skënder Hyseni e Bekim Qollaku të detyrohen tash e tutje të punojnë 7 ditë e 24 orë në Prishtinë për të menagjuar krizën e ‘humbjes së shpresës’ së qytetarëve dhe ta rikthejnë në një qëllim që të arrihet marrja e datës për liberalizimin e vizave. Na e kanë borxh të gjithë neve, e mbi të gjitha qytetarëve të Kosovës. Këta dy ministra nuk kanë detyra tjera pos marrjes së kësaj ‘farë date’ që na çmendi qe gjashtë vjet! E kemi për obligim të shpjegojmë detyrimet, obligimet, kufizimet dhe të drejtat e udhëtimit, por ama si mundësi që do ta ketë secili qytetar i Kosovës që merr udhën për Europë…! Ama veç ministrat po sillen ashtu sepse qytetarët e kanë udhën e vjetër prap përmes Tisës, Suboticës e me një ndalje në Beograd. Edhe pas 70-vjetësh e njejta histori. Ka ardhë koha që të ndalet. Ju mund ta ndalni nese këta dy ministra e kanë përnjëmend dhe punojnë me disiplinë në agjendën tuaj! LH