Haziri: Gjilani po kalon ditë të rënda dhe tronditëse

Kryetari i Lidhjes Demokratike të Kosoës (LDK), Dega në Gjilan, Lutfi Haziri tha se Gjilani po kalon ditë të rënda dhe tronditëse. Pesë vrasje brenda tri javësh kanë prekur thellë qytetarët dhe kanë krijuar shqetësim të madh në shoqërinë tonë.

“Në emër të Lidhjes Demokratike të Kosovës, Dega në Gjilan, shprehim ngushëllimet më të përzemërta për familjarët e viktimave, duke ndarë dhimbjen me ta në këto momente të vështira. Njëkohësisht, u bëjmë thirrje institucioneve të drejtësisë dhe organeve kompetente, në të cilat besojmë të gjithë, që të veprojnë me profesionalizëm, paanshmëri dhe vendosmëri, në mënyrë që drejtësia të vihet në vend dhe përgjegjësit të marrin dënimin e merituar”, ka thënë Haziri.

Sipas të parit të LDK-së në Gjilan, siguria e qytetarëve duhet të jetë prioritet i pakompromis i çdo institucioni. /2LONLINE/