Haziri: Gjilani e Anamorava jo vetëm që janë përjashtuar por edhe janë braktisur nga Qeveria

“E filluam vitin me zgjedhje dhe po e mbyllim me zgjedhje. Ky ishte vit i humbur për Kosovën dhe Gjilanin, sikurse edhe ecje nëpër errësirë politike. Gjilani e Anamorava, jo vetëm që janë përjashtuar, por edhe janë braktisur nga Qeveria”, thotë Lutfi Haziri, kreu i LDK-së së Gjilanit, nënkryetar në nivel qendror, njëherësh kandidat për deputet i këtij subjekti politik në zgjedhjet e 28 dhjetorit.

Ai tha se kjo nuk tolerohet më sepse gjilanasit janë qytetarë të ndershëm e lojal, ndërkaq mërgimtarët janë aktivi dhe mbështetësit më të mëdhenj të vendlindjes e atdheut.

“Së bashku me Valentina Bunjaku Rexhepin e dr, Besim Gudën, po rikthehemi në garë, dhe me Arbër Ismajlin, Rexhep Kadriun e Afërdita Balaj- Ajdinin, të cilët iu bashkuan kauzës së rikthimit të madh e kujdesit për Gjilanin. Zotohemi bashkë se Gjilanit do t’ia rikthejmë epitetin e kryeqendrës politike, ekonomike, arsimore e të sigurisë”, ka thënë Lutfi Haziri i LDK-së. /2LONLINE/