Haziri: Gjilani e Anamorava e mirëpritën Vjosën e Lumirin

Kryetari i Lidhjes Demokratike të Kosovës (LDK), Lumir Abdixhiku së bashku me bartësen e listës për kandidatë nga kjo parti, Vjosa Osmani, për zgjedhjet e parakohshme të qershorit. kanë zhvilluar aktivitete politike dhe biseda edhe me gjilanas, në kuadër të një platforme të quajtur “Hajde folim”. me këtë rast, nikoqiri, Lutfi Haziri,  kryetar dege i këtij subjekti, ka thënë se Gjilani e Anamorava e mirëpritën Vjosën e Lumirin

Sipas Hazirit, “në këtë takim të pranishmit na dëgjuan, na pyetën, kërkuan dhe mbi të gjitha, i ndamë shqetësimet bashkë”.

“Kosova po ecën nëpër terr politik, por Gjilani jo! Gjilani ka mbetur prapa edhe më keq, në një gropë politike. Kjo kryeqendër e Anamoravës është përjashtuar krejtësisht nga investimet qeveritare, nga kujdesi institucional dhe nga jeta zhvillimore e Kosovës. Na ka mbetur veç ta duam Kosovën. Këtë nuk na e marrin dot. Prandaj, vetëm duke u bashkuar, ia kthejmë kësaj Republike formën, besimin dhe shpresën”, ka thënë Haziri i LDK-së, njëherësh edhe kandidat për deputet. /2LONLINE/