Haziri falënderon komisionerët dhe vëzhguesit e LDK-së

Kryetari i LDK-së së Gjilanit, Lutfi Haziri, ka falënderuar komisionerët dhe vëzhguesit e LDK-së, për siç ka thënë,  disiplinën, sjelljen shembullore dhe kujdesin në procesin e administrimit dhe ruajtes së votës së qytetarëve.

Përderisa po vazhdon numërimi për kandidatët për deputetë, kryetari i Degës së LDK-së në Gjilan, njëherësh nënkryetar në nivel qendror, Lutfi Haziri, e ka bërë këtë falënderim, për të shtuar se në vigjilje të 17-vjetorit të shpalljes së pavarësisë, ata po punojnë pa u ndalur sepse e dinë që vota është e shenjtë dhe përgëzime për kujdesin e jashtëzakonshëm.

“Përkundër që u është mohuar salla e sporteve për manifestim, ata po angazhohen në të njëjtën sallë të ftohtë, por misioni është më i rëndësishëm. Duke ju falënderuar shumë, lutemi që të vazhdoni deri në fletëvotimin e fundit. Dashninë që na dha Gjilani do ta ruajmë dhe kthejmë vetëm me punë”, ka thënë Haziri i LDK-së. /2LONLINE/