Haziri: Delegatët që shpallën Kushtetutën e Kosovës janë padyshim heronjtë tanë

(2L ONLINE) – Sot është shënuar përvjetori i 24-të i Kushtetutës së Kaçanikut. Në këtë datë të vitit 1990 delegatët e Kuvendit të atëhershëm të Kosovës, që kishin shpallur Deklaratën e Pavarësisë më 2 korrik të atij viti, e formalizuan këtë deklaratë me Kushtetutën e Republikës së Kosovës. Nga protagonistët e miratimit të saj, 7 Shtatori është cilësuar si identitet i historisë së re të Kosovës.

E, Lutfi Haziri, Kryetar i Komunës së Gjilanit ka thënë se Dita e 7 Shtatorit të vitit 1990 ka hyrë në historinë më të re të Kosovës si ditë e vënies së themeleve të shtetit të Kosovës, që erdhi pas Deklaratës së Pavarësisë të 2 Korrikut të të njëjtit vit.

“Delegatët e asaj kohe që e shpallën Kushtetutën e Kosovës, janë padyshim heronjtë tanë, prandaj edhe meritojnë respektin e përjetshëm të të gjitha gjeneratave. Veprimi i këtyre deputetëve dhe zhvillimet e mëvonshme mundësuan organizimin e jetës në Kosovë, si dhe fitimin e përkrahjes ndërkombëtare, në të gjitha fazat, deri në shpalljen e Pavarësisë më 17 shkurt 2008”, k thënë Lutfi HAziri, kryetar i Gjilanit. /2L ONLINE/