Hazem Ashraf Rashad i bashkohet familjes “bardh e kaltër”

Klubi i Volejbollit Drita ka prezantuar përforcimin më të ri të ekipit, Hazem Ashraf Rashad, reprezentues i Egjiptit, i cili luan në pozitën e korrektorit.

“22-vjeçari egjiptian vjen te Drita pas një eksperience të pasur në volejbollin vendor dhe ndërkombëtar. Gjatë karrierës së tij ka qenë pjesë e klubeve të njohura si Zamalek SC (Egjipt), Heliopolis Club (Egjipt), OK Spartak Subotica dhe Al Nasr Club (Emiratet e Bashkuara Arabe)”, thuhet në njoftimin e KV Drita.

Sipas drejtuesve të Dritës, ky volejbollist me Kombëtaren e Egjiptit ka fituar Kampionatin Afrikan U21 dhe ka përfaqësuar vendin në disa Kampionate Botërore të grupmoshave, duke u dalluar edhe si një nga realizuesit më të mirë të turneve.

“Jemi të bindur se cilësia, përvoja dhe ambicia e Hazem do të jenë një vlerë e madhe për ekipin tonë në sezonin e ri. Mirë se erdhe, Hazem! Të urojmë shumë suksese me fanellën e KV Drita!”, thuhet në njoftimin zyrtar të KV drita.  /2LONLINE/