Haxhaj me peticion kërkon shkollë të re

/2L ONLINE/ – Këshilli i fshatit Haxhaj të Gjilanit ka ndërmarrë iniciativën e nënshkrimit të një peticioni përmes të cilës kërkohet ndërtimi i shkollës fillore në këtë fshat.

“Në vazhdimësinë e iniciativave dhe përkushtimit tonë për të përmirësuar infrastrukturën e fshatit si dhe punë të tjera që janë nevojë thelbësore për fshatin, ne kemi ndërmarrë iniciativën e “Nënshkrimit të një peticioni për ndërtimin e shkollës fillore në fshatin Haxhaj”, thuhet në njoftimin e këtij Këshilli.

Ky peticion është nënshkruar nga banorë e të gjitha fshatrave që vijojnë mësimin në këtë shkollë, Haxhaj, Demiraj, Selisht, Goden’,

Mësohet se peticionit i janë bashkangjitur edhe disa foto të gjendjes reale të shkollës, dhe të gjitha i janë dorëzuar nga një kopje për: Kryetarin e Komunës Gjilanit, Lutfi Haziri, Drejtorin e Drejtorisë së Arsimit, Nazmi Musa dhe Ministrin e Arsimit, Arsim Bajrami. /2L ONLINE/