Haradinaj: Verifikimi i veteranëve, i politizuar

Kryetari i AAK-së, Ramush Haradinaj, ka kritikuar punën e Komisionit qeveritar për verifikimin e kategorive të dala nga lufta e UÇK-së. Gjatë deklarimeve jashtë rendit të ditës në Kuvendin e Kosovës, ai ka thënë se ky proces është politizuar dhe nëse janë bërë lëshime dikush duhet të japë përgjegjësi. “Unë e di që ka pasur një politizim të kësaj teme. Nëse janë bërë lëshime, a jep dikush përgjegjësi? Unë kam informata se janë bërë lëshime”, ka deklaruar Haradinaj.

Haradinaj shtoi se komisioni për verifikim të veteranëve është produkt i Qeverisë Thaçi dhe se si komandantë i një zone asnjëherë nuk është ftuar nga ky komision.