Haradinaj: Nëse Brovina nuk e thirr seancën, veprojmë ne

Lideri i AAK-së, Ramush Haradinaj pas takimit me Isa Mustafën e Fatmir Limajn ka thënë se blloku është i përgatitur për seancën e ardhshme. Mirëpo, sipas tij, ende nuk kanë marrë ftesë nga kryesuesja e seancës, Flora Brovina.

E nëse nuk marrin ftesë gjatë kësaj jave, Haradinaj ka paralajmëruar se blloku do të veprojë vet.

“Jemi në përgatitje të seancës së ardhshme. Afërsisht po i nxjerrim detyrat pasi që ende nuk është thirr seanca. Njëra nga detyrat do të jetë edhe thirrja e seancës, nëse ajo nuk thirret deri në fund të kësaj jave ne do të veprojmë.
Në bazë të pikave 126 127 , 126 e presim procesin e dështimit, 127 zgjedhjen për parlamentin. Ne do të punojmë në këtë drejtim. Është e dhimbshme kohëzgjatja e qeverisjes ë endit nga një qeverisje në ikje, por fal marrëveshjet sonë të 10 qershorit nuk kemi Thaçi 3”, ka thënë Haradinaj.