Haradinaj: Në 21 vjetorin e rënies, e kujtojmë njërin prej komandantëve më të shquar të UÇK-së

11.04.2020 - 12:40 1 minutë lexim

Njëri prej ish komandantëve të Ushtrisë Çlirimtare të Kosovës (UÇK), ish kryeministër i Kosovës, Ramush Haradinaj, e ka përkujtuar heroin Agim Ramadani në 21-vjetorin e rënies së tij.

Sipas tij, po e kujtojmë njërin prej komandantëve më të shquar të UÇK-së. Kujtojmë luftëtarin, artistin e shkrimtarin, i cili Kosovës i shërbeu me krejt kapacitetin e tij intelektual dhe patriotik.

Teksti i plotë përkujtues:

Më 9 prill të vitit 1999, nën udhëheqjen e Agim Ramadanit, gjatë Betejës së lavdishme të Koshares, thyhet kufiri ndërshqiptar.

Vetëm dy ditë më pas, më 11 prill 1999, Komandant “Katana” bie heroikisht në Altarin e Lirisë.

Sot, në 21 vjetorin e rënies, e kujtojmë njërin prej komandantëve më të shquar të UÇK-së.

Kujtojmë luftëtarin, artistin e shkrimtarin, i cili Kosovës i shërbeu me krejt kapacitetin e tij intelektual dhe patriotik.

Lavdi e përjetshme Agim Ramadanit dhe të gjithë atyre që u flijuan për lirinë e Kosovës!