Haradinaj: Kosova po përgatitet për qeverisje të re

Kryetari i Aleancës për Ardhmërinë e Kosovës (AAK), Ramush Haradinaj, ka pritur sot zëvendës ambasadorin e Izraelit në Beograd, Itay Milner. Haradinaj dhe zëvendësambasadori Milner biseduan për zhvillimet aktuale në Kosovë, proceset nëpër të cilat po kalojmë dhe rolin e rëndësishëm të Aleancës në kuadër të tyre.

Kreu i AAK-së gjithashtu, e njoftoi diplomatin Milner lidhur me përgatitjet që po bëhen për formimin e qeverisë së re të Republikës së Kosovës, thuhet në njoftimin për media të dërguar nga AAK-ja.