Hapja e vendkalimit kufitar Stanqiq-Bellanoc përfundimisht po merr formë

/2L ONLINE/ – Kreu i komunës së Gjilanit Lutfi Haziri ka shkruar në profilin e tij se hapja e vendkalimit kufitar Stanqiq-Bellanoc përfundimisht po merr formë. “Aktualisht, gjilanasit duhet t’i kalojnë 92 kilometra për të arritur në Kumanovë, ndërsa me hapjen e kësaj pike kufitare Gjilani afrohet me Kumanovën në vetëm 30 kilometra”, ka shkruar Haziri.

Ja postimi i tij.
“Hapja e vendkalimit kufitar Stanqiq-Bellanoc përfundimisht po merr formë. Nga ana e Kosovës, i kemi kryer të gjitha procedurat që përfshinë ratifikimin e marrëveshjes, është bërë ndërtimi i rrugës përmes Grykës së Karadakut, ku Zhegra është korridori kryesor, sikur që është bërë shpronësimi i tokave në Stanqiq. Pra, brenda një kohe të shkurtër, do të kalojnë të gjithë qytetarët e Kosovës me letërnjoftim, por edhe transporti i mallrave deri në 3.5 tonë. Aktualisht, gjilanasit duhet t’i kalojnë 92 kilometra për të arritur në Kumanovë, ndërsa me hapjen e kësaj pike kufitare Gjilani afrohet me Kumanovën në vetëm 30 kilometra. LH”