Hapet ekspozita e artistëve Arbenita Kryeziu dhe Adem Kqiku

Piktura me motive të ndryshme arti, të varura në mur tërhiqnin vëmendjen e vizitorëve, të cilët ishin të pranishëm në Shtëpinë e Kulturës “Isa Kastrati”, në Kamenicë.

Këto vepra arti u paraqitën në ekspozitën temë e lirë të autorëve Adem Kqiku dhe Arbenita Kryeziu, në kuadër të manifestimit ‘Flaka e Janarit’.

Në këtë ekspozitë i pranishëm ishte edhe Drejtori i Kulturës, Behar Hyseni, i cili nga afër dëgjonte autorët që shpjegonin domethënien e këtyre pikturave.

Edhe vizitorët nga kureshtja për të dëgjuar më shumë, shikonin secilën pikturë e në vëmendjen e tyre si duket shfaqej ajo që artistët kamenicas kishin paraqitur.

Të kënaqur nga interesimi i të pranishmëve, autorët e këtyre pikturave premtuan së nuk do të ndalen me kaq dhe se çdoherë do të krijojnë vepra arti me vlerë.   /2LONLINE/