Handikosi në Gjilan i gëzon fëmijët me dhurata
/2L ONLINE/ – Handikosi në GJilan sot ka bërë përmbylljen e vitit kalendarik të aktiviteteve të saja me ktë rast ka bërë shpërndarjen e dhuratave për fëmijë me aftësi të kufizuara, që u shpërndanë në ambientet e kësaj Shoqate.
Fatmir Shurdhani menaxher i kësaj shoqate ka thënë se për këto dhurata duhet falënderuar Arditin, pronarin e restaurant “Ekremi’, i cili ka siguruar dyzet dhurata për fëmijët me aftësi të kufizuar.
Përndryshe, duke folur për aktivitetet e kësaj shoqate, Shurdhani ka falënderuar edhe kryetarin e komunës që ka realizuar në tërësi marrëveshjen e nënshkruar ne mes organizatave jo qeveritare të personave me aftësi të kufizuar dhe kryetarit të komunës, marrëveshje kjo e cila ndonëse nuk i ka përmbushur objektivat e Handikosit , megjithatë i ka lehtësuar mirë një pjesë të punës, në ofrimin e shërbimeve për personat me aftësi të kufizuar.
“Andaj presim përkrahje të mëtutjeshme nga institucionet tona lokale që viti 2016 të jetë viti i kthesave edhe më të mëdha për personat me aftësi të kufizuar, në realizimin e objektivave të Handikosit për ofrimin e shërbimeve për personat me aftësi të kufizuar, shpresojmë se kryetari i komunës do të mbështetë projekt kërkesën tonë në tërsi e cila ka koston minimale. Edhe një herë gjithë personave me aftësi te kufizuar i urojme vitin e ri 2016”, ka thënë Fatmir Shurdhani, menaxher i Shoqatës handakos në Gjilan. /2L ONLINE/
