Handikos pranon donacion nga KFOR-i turk

Drejtues të Shoqatës “Handikos”, në Gjilan, kanë bërë me dije kanë mirëpritur në takim përfaqësuesit e KFOR-it turk  nga të cilët kanë pranuar një donacion.

“Pritëm në takim përfaqësuesit e KFOR-it turk në Gjilan, konkretisht komandantin e KFOR-it turk në Gjilan, me bashkëpunëtorët e tij, të cilët dhuruan donacion, dy karroca manuale, për Shoqatën Handikos në Gjilan”, ka thënë Fatmir Shurdhani, menaxher i Shoqatës, transmeton Portali 2LONLINE.com.

Shurdhani tha se në emër të Handikos, e falënderon KFOR-in turk për bashkëpunimin e deritashëm dhe shpresojnë se ky bashkëpunim do të vazhdojë edhe në të ardhmen.  /2LONLINE/