Haliti takon përfaqësuesit e Elementit për Mbështetje Civile Ushtarake pranë Ambasadës Amerikane
/2L ONLINE/ – Kryetari i Komunës së Vitisë, Sokol Haliti me bashkëpunëtor ka pritur dje në takim një delegacion të Elementit për Mbështetje Civile Ushtarake nga Ambasada Amerikane në Prishtinë, në krye me udhëheqësin e këtij elementi, Peter Preisinger.
Me këtë rast ata kanë bashkëbiseduar rreth formave të bashkëpunimit, konkretisht rreth realizimit të një ngjarje me nxënësit e shkollave të mesme të Vitisë, që pritet të mbahet nga fundi i këtij muaji.
Me këtë rast, Kryetari Haliti shprehu gatishmërinë e kësaj komune që të bashkëpunoj pa reshtur me ambasadën amerikane në të mirën e qytetarëve vitias duke falënderuar njëherit ata për interesimin që të realizojnë një projekt në komunën e Vitisë.
Gjatë këtij takimi kanë marrë pjesë edhe zyrtarë të tjerë të Elementit për Mbështetje Civile Ushtarake pranë Ambasadës Amerikane në Prishtinë si: Carl Jones, Jeton Fejzullahu, Besa Binçe si dhe Qahil Sinani, Drejtor i Drejtorisë Komunale të Arsimit në Viti i cili pritet që të jetë pjesë e grupit punues për organizimin e këtij aktiviteti me nxënësit e shkollave të mesme të kësaj komune./2L ONLINE/
