Haliti: Projekte të shumta po realizohen në komunën e Vitisë

Në vazhdën e projekteve që kanë për qëllim rregullimin e infrastrukturës rrugore në lokalitetet e komunës së Vitisë, është edhe përgatitja e rrugës për asfaltim në Kravaricë, punime në rregullimin e rrugës fushore në drejtim të Livadheve të gjata – Madenit, në Goshicë, rruga që lidhë fshatrat Dardani – Sodovinë e Qerkezëve – Sadovinë e Jerlive – Remnik i Ri deri te rruga e Begracës, e shumë punime të tjera në rregullimin e infrastrukturës.

Në një takim që është mbajtur sot me drejtor të drejtorive, inxhinierë, kabinetin e të tjerë, kryetari Haliti tha se projekte të shumta po realizohen në Viti, dhe do të vazhdohet me punë në ato fshatra ku është i nevojshëm asfaltimi, por edhe me rrugët bujqësore, në bazë të projekteve të parapara që do të realizohen këtë vit. /2LONLINE/