Haliti priti sot futbollistin e kombëtares Kosovare Liridon Krasniqi
(2LONLINE) – Liridon Krasniqi futbollisti i njohur Kosovar i cili është me prejardhje nga Gërmova e Vitisë dhe i cili përveç se luan për një ekip të futbollit të Turqisë është edhe lojtarë i kombëtares Kosovare atë sot e priti kryetari i Komunës së Vitisë, Sokol Haliti.
Me këtë rast kryetari Haliti tha se ai ndihet krenar me sukseset e tij të arritur duke potencuar se ai është një adhurues i madh i sportit në veçanti i futbollit.
“Jam krenar me sukseset tuaj dhe ju uroj suksese të mëtejme sidomos në ndeshjen e radhës të kombëtares tonë unë do bëjë përpjekje që të jem i pranishëm në ndeshjen e radhës ” u shpreh Haliti.
Futbollisti Krasniqi i dhuroi kryetarit Haliti një fanellë me emrin e tij ndërkaq kryetari Haliti në shenjë mirënjohje i dhuroi atij një plaket me logon e komunës së Vitisë. /2lonline/