Haliti para Asociacionit të Komunave paraqet nevojën e komunave për prona në interes të qytetarëve |

/2L ONLINE/ – Kryetari i Komunës së Vitisë, Sokol Haliti ka marrë sot pjesë në takimin e Asociacionit të Komunave në përbërje të këshillit të kryetarëve. Me këtë rast u diskutua rreth legjislacionit dhe çështjeve që kanë të bëjnë me pronat dhe nevojat e komunave për prona.
Diskutimi mbi këtë çështje ka ardhur me nismën e kryetarit të Komunës së Vitisë, Sokol Haliti i cili në këtë takim ku kanë marrë pjesë edhe Kryetari dhe disa anëtarë të bordit të AKP-së paraqiti nevojat e komunave, në veçanti atë të komunës së Vitisë, për prona me qëllim të realizimit të projekteve të ndryshme në interesin e përgjithshëm të qytetarëve. /2L ONLINE/