Haliti: Jemi pranë familjeve të prekura nga pandemia

Gjendja epidemiologjike në Komunën e Vitisë është më e rënduar pas rritjes së rasteve me të infektuar në dy ditët e fundit. Dje janë diagnostifikuar tetë pacientë me Covid-19, kurse tre janë shëruar.

Komiteti Komunal për Mbrojtje dhe Shpëtim (KKMSH) në takimin e sotshëm ka shfaqur dronë se gjendja mund të eskalojë, nëse masat në fuqi nuk respektohen me përpikëri.

Kryetari i Kominës së Vitisë, Sokol Haliti, ka bërë thirrje për më shumë seriozitet, në mënyrë që sistemi shëndetësor të mos ngarkohet, pasi kapacitetet janë të kufizuara.

Haliti ka falënderuar Forcën e Sigurisë së Kosovës e cila ka bërë rivendosjen e tendave në qendrat e mjekësisë familjare për të lehtësuar punën me pacientë.

Ai tha poashtu se janë duke mbajtur kontaktet me familjet e prekura nga pandemia për t’ua përmbushur nevojat që kanë.

Ndërkohë po vazhdon dezinfektimi i objekteve të institucioneve si dhe klorifikimi i hapësirave publike.