Haliti i kërkon Ministrit Agani rregullimin e lumit “Morava e Binqes”
(2L ONLINE) – Kryetari i Komunës së Vitisë, Sokol Haliti u prit sot në takim nga Ministri i Mjedisit dhe Planifikimit, Ferid Agani me këtë rast Kryetari Haliti parashtroi edhe njëherë kërkesën për projektin e rregullimit te shtratit te lumit “Morava e Binqes” e cila shpesh herë shkaktohen përmbytje dhe dëmë në tokat bujqësore në Viti.
Gjithashtu gjatë këtij takimi ata bashkëbiseduan edhe për projektin e përbashkët mes Komisionit Evropian dhe Ministrisë se Mjedisit dhe Planifikimit ,prej Vitisë deri ne Krojman.
Ne anën tjetër Ministri Agani i premtoi kryetarit Haliti se shpejti do ta fus këtë çështje në agjende qeveritare. Përndryshe Kryetari Haliti për çështjen e lumit ka biseduar javë më parë edhe me Kryeministrin e Republikës së Kosovës, Isa Mustafa ku ndër tjerash e kishte njoftuar atë me prioritetet e Komunës së Vitisë, si rregullimi rrugëve Magjistrale, Shkolla fillore e mesme e ultë “ Halil Alidema” në Pozheran.
Për ndryshe në atë takim Kryetari Haliti kishte marrë premtimin nga Kryeministri Mustafa për rregullimin e rrugëve magjistrale ndërkaq pritet të merr konfirmimin edhe për dy prioritetet e tjera. /2L ONLINE/