Haliti fton qytetarët t’i respektojnë masat antiCovid

Komiteti komunal për mbrojtje dhe shpëtim, ka mbajtur sot takimin e rregullt, për të shqyrtuar gjendjen momentale epidemiologjike në komunën e Vitisë.

Kryetari i komunës Sokol Haliti, ka njoftuar rreth raportit të fundit, me rastet e reja ku brenda 24 orëve, janë regjistruar 6 raste të reja, për derisa java që shkoi ka pasur numrin e shtuar të rasteve të prekura me Covid.

Haliti ka bërë thirrje që të respektohen masat e marra dhe të veprohet konform rregullave që parasheh Instituti Kombëtar i Shëndetit Publik.

Përndryshe, nga nesër hyjnë në fuqi masat e reja nga Qeveria dhe IKSHP-ja të cilat do të zbatohen deri më 18 prill. /2LONLINE.com/