Haliti falënderon mërgimtarët për përkushtimin e dhënë në ndihmë vendlindjes

/2L ONLINE/ – Për kontributin e tyre që po japin në vendlindje përmes aksioneve të ndryshme, kryetari I komunës së Vitisë Sokol Haliti ka pritur sot në një takim mërgimtarët Xhavit Islami e Adem Syla të cilët veprojnë dhe jetojnë në Zvicër.

Kryetari Haliti ka falënderuar ata për gjithë angazhimin që po e bëjnë për të ndihmuar bashkëqytetarët në vendlindje, duke mbështetur projekte të ndryshme që kanë të bëjnë mirëqenien e qytetarëve.

Po ashtu ata janë mbështetës të aksioneve të ndryshme siç është ndërtimi i shtëpive për të pastrehët dhe ndihma në forma të tjera. Me këtë rast në shenjë falënderimi kryetari I ka nderuar me mirënjohje për këtë angazhim. /2L ONLINE/