Haliti: 7 Shtatori 1990 iu parapriu proceseve tjera të formimit të shtetit

Haliti: 7 Shtatori 1990 iu parapriu proceseve tjera të formimit të shtetit

Kryetari i Komunës së Vitisë, Sokol Haliti, duke uruar qytetarët e komunës së Vitisë në 30-vjetorin e shpalljes së Kushtetutës së Republikës së Kosovës në Kaçanik, më 7 shtator 1990, këtë ditë e vlerëson si shumë të rëndësishme për popullin e Kosovës.

“Dita e 7 Shtatorit të vitit 1990, ka hyrë në historinë më të re të Kosovës, si ditë e vënies së themeleve të shtetit të Kosovës, që erdhi pas Deklaratës së Pavarësisë të 2 Korrikut të të njëjtit vit. Këto dy akte iu paraprinë proceseve tjera deri në pavarësimin e plotë të vendit. Me këtë rast kujtojmë angazhimin dhe sakrificën e të gjithë atyre që vepruan për lirinë e Kosovës. Tani kur Kosova është e pavarur, e njohur ndërkombëtarisht dhe kur ka bërë zhvillime të gjithanshme, kujtojmë me respekt edhe delegatët e Kushtetutës së Kaçanikut, të cilët dhanë kontribut të çmuar, duke marrë barrën historike në kohë të vështira nëpër të cilat po kalonim si shoqëri”, thuhet në urimin e kryetarit Haliti. /2LONLINE.com/

KOMENTE