Hajdin Salihu rikthehet te Drita

FC Drita ka bërë me dije se përforcimi i ri në klub është Hajdin Salihu, i cili rikthehet për të veshur sërish fanellën bardhekaltër.

Ai pritet ta forcojë repartin e mbrojtjes me cilësinë, karakterin dhe përvojën e fituar në arenën ndërkombëtare.

Sipas drejtuesve të dritës, pas një periudhe në futbollin ukrainas dhe atij polak, mbrojtësi 24-vjeçar, Hajdin Salihu rikthehet aty ku la gjurmë, me synime të qarta dhe uri për suksese të reja.

“Mirë se u ktheve në shtëpi, Hajdin! Le të shkruajmë bashkë kapituj të rinj të historisë së Dritës”, thuhet në njoftimin e klubit “bardh e kaltër”.  /2LONLINE/

–