Grupi i Këshilltarëve të LDK-së ka disa shqetësime, kërkon qasje në dokumente zyrtare të Komunës!

Sot, në emër të Grupit të Keshilltarëve të LDK-së, kërkuam qasjen në disa dokumente zyrtare të Komunës siç janë: 

1) Shkëputja e kontratës për punët ndërtimore në Studionin e Qytetit

2) Rekomandimet nga ekspertet e prokurimit

3) Rekomandimet e Auditorit të Brendshëm

“Gjithashtu, për shkak të anulimit të festivalit “Gjilan Deep-Tech House”, i cili ishte paraparë të mbahet në fshatin Pogragjë më 1 gusht, kërkojmë një raport të plotë lidhur me planifikimin e organizimit dhe arsyen e dështimit”, thuhet në komunikatën e LDK-së. 

Më tej thuhet:

“Drejtoria për Kulturë, Rini dhe Sport nuk ka pasur asnjë reagim dhe anulimi i festivalit ka ndodhur njëanshëm e pa asnjë arsyetim nga organizatori.

Përpos kësaj, shqetësuese është dëmtimi dhe devijimi i shtratit të lumit Llapushnica e mbulimi i gjelbërimit me tonelata me zhavor.

Shqetësuese mbetet, poashtu, edhe përjashtimi i Këshillit të fshatit Pogragjë nga kjo çështje!” /2LONLINE/