Grupi i Grave te Vitisë realizon takim për fundit

/2L ONLINE/ – Grupi i Grave të Vitisë ka mbajtur sot një drekë pune me anëtarë te grupit të grave, përfaqësuese të shoqatave të grave në komunën e Vitisë ,GVL “Vitia” si dhe përfaqësuese të institucioneve komunale.

Gjate këtij takimi, ku i pranishëm ka qenë dhe kryetari i komunës së Vitisë, Sokol Haliti ku ndër tjerash është diskutuar për sfidat që kanë përcjellë grupin e grave dhe shoqatat e grave gjatë vitit 2016, si dhe planet për të ardhmen.

Gjatë këtij takimi ata kanë falënderuar kryetarin Haliti për mbështetjen të cilën ai i ka dhënë shoqatave te grave në Viti për dy vitet e fundit. Kurse falë kësaj mbështetje sot në komunën e Vitisë veprojnë 10 shoqata te grave të cilat gjenerojnë të ardhura.

Kurse Kryetari i Komunës së Vitisë, gjatë këtij takimi ju ka premtuar grave pjesëmarrëse në takim se ndihma e institucioneve komunale të Vitisë dhe partnerëve të saj do të vazhdoj edhe në vitin në vijim pasi që për këtë kanë arritur edhe marrëveshje me organizatat e ndryshme.

Ky takim u realizua nën mbështetjen e Kryetarit të Komunës së Vitisë, Sokol Haliti. /2L ONLINE/