Grupi i grave mbajti ligjëratë me nxënës kundër pirjes së duhanit

/2L ONLINE/ – Organizuar nga grupi i grave të komunës së Vitisë, është mbajtur një ligjëratë me nxënësit e shkollës së mesme teknike “Hoxhë Jonuz Zejnullahu” në Viti.

Doktoresha Xhylsime Qamili ka njoftuar fillimisht nxënësit me përbërjen dhe aktivitetet që zhvillon grupi i grave të komunës së Vitisë, e më pas ka folur për rëndësinë e ligjëratës së organizuar në kuadër të Ditës ndërkombëtare kundër duhanit që ishte para pak ditësh , por për shkak të vikendit është organizuar më pas.

Ajo ka falënderuar edhe ligjërueset vullnetare, infermieret në QKMF Fatime Bekteshi e Shahadije Zuka, për ligjërimin se cilat janë efektet negative dhe pasojat që sjell konsumimi I duhanit. Pos këtyre ligjëratave, nxënësit kanë parashtruar pyetje të ndryshme që kishin të bënin me ligjëratën kundër pirjes së duhanit. /2L ONLINE/