Gripi sezonal: Shtohet numri i personelit dhe një ekip në QMF-në e lagjes Dardania në Gjilan

Për shkak të  kërkesave të shumta në Qendrat e Mjekësisë Familjare në Gjilan për shërbimin e trajtimit të gripit sezonal, është shtuar numri i personelit, e më parë edhe një ekip në QMF-në e lagjes Dardania

Këtë e ka bërë të ditur vet kryetari i Komunës së Gjilanit, Alban Hyseni përmes një postimi në profilin e tij.

Postimi i plotë:

Të dashur banorë të Gjilanit, për shkak kërkesave të shumta në qendrat e mjekësisë familjare për shërbimin e trajtimit të gripit sezonal, ne jemi mobilizuar dhe organizuar për të ofruar shërbim sa më të shpejtë dhe efikas.

Sot është shtuar numri i personelit, e më parë edhe një ekip në QMF-në e lagjes Dardania. Ashtu siç jemi zotuar, ne do të qëndrojmë sa më afër jush, sepse mirëqenia e juaj është primare për ne.