Gratë e Kamenicës bashkë për iniciativa dhe aktivitete të reja në vitin 2027

Kryesuesja e Grupit të Grave të Komunës së Kamenicës, Burbuqe Leka, mbajti një takim me grupin e grave të Komunës,gra përfaqësuese nga biznesi dhe fusha të ndryshme, gjatë të cilit prezantoi raportin e punës dhe rezultatet e arritura nga Grupi i Grave.

Në kuadër të takimit u plotësua dhe u pasurua edhe Plani i Veprimit për vitin 2027, me aktivitete dhe iniciativa të reja që synojnë fuqizimin dhe avancimin e pozitës së grave në shoqëri.

Takimi u mbështet nga Misioni i OSBE-së në Kosovë, ndërsa kontributi dhe idetë e pjesëmarrëseve i dhanë vlerë të veçantë planifikimit të aktiviteteve të ardhshme. /2LONLINE/