Grafitet nëpër objekte fetare – akte të papranueshme për Këshillin e Bashkësisë Islame në Gjilan

Kryetari i KBI-së, në Gjilan, Naim ef. Aliu, është informuar  se në objektin e Xhamisë së Madhe në Gjilan janë shënuar grafite, të cilat janë të papranueshme, e në veçanti kur ato dëmtojnë imazhin e objekteve fetare.

Ai, së bashku me Policinë e Kosovës, menjëherë ka dalë në vendin e ngjarjes, ku është konstatuar se individë të papërgjegjshëm kanë përdhosur muret e Xhamisë së Madhe, ngjarje të cilën e dënojmë skajshmërisht dhe kërkojmë nga organet e hetuesisë që këtë rast ta ndriçojnë sa më parë dhe akterët e këtij veprimi të shëmtuar të dalin para ligjit, thuhet në reagim bënë të ditur Agim Hyseni, sekretar i KBI-së. /2LONLINE.com/