Gjysma e ekipit të Kosovës në IMO 2016 do të përbëhet nga gjilanasit

Shkruan:  Festim Shkodra, professor I matematikës

Më 02/04/2016 në hapësirat e FSHMN-së në Prishtinë, u mbajt Testi Përfundimtar TST për përzgjedhjen e ekipit të Kosovës për pjesëmarrje në Olimpiadën Ndërkombëtare të Matematikës – IMO 2016 në Hong Kong, që do të mbahet më 06-16/07/2016. Ky test u mbajt nën përkujdesjen e Shoqatës së Matematikanëve të Kosovës (SHMK). Kështu në bazë të suksesit të treguar në TST, Kosova do të përfaqësohet nga këta nxënës:

1) Arbër Avdullahu
2) Doruntina Sylejmani
3) Shend Zhjeqi
4) Ardita Berisha
5) Alban Elezi dhe
6) Liron Morina

Ku me këtë rast vlen të përmendet se gjysma e ekipit përfaqësues të Kosovës do të përbëhet nga gjilanasit:

1) Doruntina Sylejmani,
2) Alban Elezi dhe
3) Ardita Berisha.

Me këtë po dëshmohet edhe një herë Gjilani si burim i talentëve të rinjë të matematikës dhe po arsyetohet emërtimi i Gjilanit – Qytet i Matematikës prej të tjerëve. Sepse këta nxënës shkollimin fillor dhe të mesëm të ulët e kanë kryer në shkollat e Komunës së Gjilanit dhe njëkohësisht ishin pjesëmarrës të suksesshëm të olimpiadave matematike të Gjilanit. Prandaj suksesi i tyre pos që i dedikohet talentit vetiak dhe përgatitjes së tyre në shkollat ku tani i vijojnë mësimet dhe jashtë tyre, rol të madh në këto rezultate, kanë edhe përgatitja matematike e mëhershme e tyre qe fillon nga shkollat e Komunës së Gjilanit dhe mësimdhënësit e vyeshëm të tyre. Gjithashtu rol me rëndësi në formimin e tyre matematik, ka edhe pjesëmarrja e tyre e vazhdueshme dhe e suksesshme në garat e organizuara me një standard tejet të lartë në këtë komunë, për çka gjilanasit edhe janë shembull në nivel vendi. Por kuptohet pa i përjashtuar këtu as garat e matematikës të organizuara në nivel vendi dhe gjithëkombëtar.

I urojmë shumë sukses ekipit të Kosoves në Oimpiadën Ndërkombëtare të Matematikës – IMO 2016 në Hong Kong.