Gjyqtari Mervan Bejtullahu do ta ndajë drejtësinë në derbin Drita – Gjilani

Është publikuar orari për xhiron e 17-të në Albi Mall Superligën e Kosovës në Futboll.

Dy ndeshje do të zhvillohen të shtunën dhe tre të tjera të dielën, e vëmendja do të jetë në derbin Drita – Gjilani, por edhe në atë Ballkani – Prishtina.

FFK ka publikuar edhe gjyqtarët për këto sfida.

Drita – Gjilani, derbi i skuadrave gjilanas do të drejtohet nga një gjyqtar gjilanas  Mervan Bejtullahu, derisa Dardan Çaka do të ndajë drejtësinë në derbin tjetër Ballkani – Prishtina.

Valon Bajgora do të ndajë drejtësinë në sfidën Drenica – Ferizaj, e në ndeshjen Prishtina e Re – Dukagjini, gjyqtar do të jetë Gramos Shala, derisa në ndeshjen Llapi – Malisheva, gjyqtar kryesor do të jetë Lirim Jashari.

Të gjitha ndeshjet e xhiros së 17-të në Albi Mall Superligë zhvillohen nga ora 13:00.  /2LONLINE/