Gjyqtari Islam Thaçi ka arritur moshën e pensionimit

Islam Thaçi, ka qenë gjyqtar në Gjykatën Themelore në Gjilan, në Departamentin e Krimeve të Rënda.

Gjykata Themelore Gjilan, kolegët gjyqtarë dhe stafi administrativ, z. Islam Thaçi, i urojnë shëndet dhe mbarësi, duke e falënderuar për kontributin e dhënë në drejtësi, transmeton 2LONLINE.com.

Biografia e gjyqtarit:

Islam Thaçi ka punuar gjyqtar në Departamentin e Krimeve të Rënda në Gjykatën Themelore Gjilan.

Diplomoi në vitin 1985 në Fakultetin Juridik të Universitetit të Prishtinës, kurse provimin e Jurisprudencës e përfundoi në vitin 2010. Në këtë vit nisi detyrën e Kryetarit të Gjykatës Komunale për Kundërvajtje deri në vitin 2012.

Nga viti 2013 u emërua gjyqtar në Departamentin e Përgjithshëm – Divizioni për Kundërvajtje Dega Kamenicë, ndërsa nga korriku i vitit 2013 e deri Tetor 2015 ka kryer detyrën e gjyqtarit Mbikëqyrës në Gjykatën Themelore të Gjilanit – Dega në Novobërdë.

Prej Nëntorit të vitit 2015 vazhdon punën në Departamentin e Përgjithshëm – Divizioni Penal në Gjykatë Themelore në Gjilan, ndërsa nga viti 2018 ka kaluar në Departamentin e Krimeve të Rënda.

Ai ka punuar si jurist në Qendrën për Punë Sociale në Kamenicë në periudhën 1986-1991, ndërsa nëntë vite më vonë ai punoi si Shef Ekzekutiv i Kuvendit Komunale të Komunës së Kamenicës deri në vitin 2007.  /2LONLINE/