Gjyqtari Dardan Maloku nderohet me mirënjohje nga Kryetari i Gjykatës Themelore në Ferizaj
Gjykata Themelore në Ferizaj, ka organizuar takim përshëndetës për gjyqtarin e Departamentit të Përgjithshëm – Divizioni Penal, Dardan Maloku, i cili pas një përvoje mbi 3 vite si gjyqtar në këtë gjykatë, është transferuar në Gjykatën Themelore në Gjilan.
Me këtë rast, kryetari i gjykatës, kolegët gjyqtar/e dhe stafi Administrativ, duke e falënderuar dhe përgëzuar gjyqtarin Maloku, për kontributin e dhënë si gjyqtar në këtë Gjykatë, i uruan suksese në vazhdimin e rrugëtimit të tij profesional si gjyqtar në Gjykatën Themelore në Gjilan.
Në shenjë respekti për kontributin e dhënë në këtë Gjykatë, kryetari Tahiri ka ndarë mirënjohje falënderimi për gjyqtarin Dardan Maloku. /2LONLINE/