Gjyqësorit të Kosovës i shtohen 21 bashkëpunëtorë profesionalë të rinj

Gjyqësorit të Kosovës i janë bashkuar njëzet e një (21) bashkëpunëtorë profesionalë të rinj, duke forcuar më tej kapacitetet e institucioneve gjyqësore në vend.

Prej tyre, katërmbëdhjetë (14) janë femra dhe shtatë (7) meshkuj, ndërsa një (1) i përket komuniteteve jo-shumicë.

Bashkëpunëtorët profesionalë janë shpërndarë në gjykatat dhe degët përkatëse, në përputhje me nevojat e sistemit gjyqësor.

Angazhimi i tyre pritet të kontribuojë në rritjen e efikasitetit, përmirësimin e cilësisë së vendimmarrjes dhe forcimin e mëtejshëm të besimit të qytetarëve në sistemin gjyqësor të Republikës së Kosovës. /2LONLINE/