Gjykata Kushtetuese ta tërheqë vendiminGjykata Kushtetuese ta tërheqë vendimin

Kryetari i Komunës së Deçanit, Rasim Selmanaj, ka reaguar ndaj vendimit të Gjykatës Kushtetuese, nëpërmjet të cilit dy prona shoqërore, “Apiko” dhe “Iliria”, mbesin në pronësi të Manastirit të Deçanit.
Në një intervistë dhënë gazetës “Epoka e re”, Selmanaj ka vlerësuar se ky vendim është i turpshëm, i padrejtë dhe i ndikuar nga politika. Ai ka thënë se këto prona janë asete të rëndësishme për zhvillimin e ekonomisë dhe të turizmit në Decan. Sipas tij, Gjykata Kushtetuese e Kosovës e ka legjitimuar vendimin e Kuvendit të Serbisë të kohës së Millosheviqit. Selmanaj ka thënë se Gjykata Kushtetuese është e ndikuar nga ndërkombëtarët, prandaj ka vendosur në favor të Manastirit të Deçanit. Megjithatë, ai ka bërë me dije se ky vendim është i papranueshëm dhe do të kundërshtohet me të gjitha mjetet dhe mekanizmat ligjor.