Gjobiten dy vozitës për kundërvajtje të ndryshme në trafik
Njësitet e trafikut rajonal nga Drejtoria Rajonale e Policisë në Gjilan, pas informatave kredibile të marra nga qytetarët dhe mediat, me foto, dërguar në adresën e policisë së Kosovës, kanë vepruar në identifikimin e dy kundërvajtësve në trafikun rrugor.
Policia e Kosovës kanë identifikuar të dy rastet veç e veç të dy vozitësit, të cilët me automjetet e tyre, shkaktuan kundërvajtje në komunikacion, njëri tejkalim në vijë të plotë dhe tjetri tejkalim i pa lejuar i kolonës në anën e djathtë.
Kundërvajtjet kanë ndodhë në aksin rrugor Gjilan-Prishtinë.
Nga hetues policor të trafikut rajonal në Gjilan, janë ftuar këta vozitës dhe ndaj tyre janë shqiptuar gjoba, sipas ligjit të komunikacionit rrugor.
Drejtoria Rajonale e Policisë së Kosovës në Gjilan, fton dhe inkurajon qytetarët si dhe mediat, që të njoftojnë policinë pa hezitim, për kundërvajtjet e dëshmuara që mund të shkaktohen në komunikacionin rrugor. /2LONLINE.com/