Gjithçka gati për transmetimin live të seancës së Kuvendit të Gjilanit në kanalin zyrtar në Youtube

/2L ONLINE/ – Komuna e Gjilanit ka implementuar projektin për transmetim live të seancave të Kuvendit Komunal përmes kanalit zyrtar të Youtube. Të gjitha përgatitjet janë bërë në mënyrë që seanca e të mërkurës të transmetohet livestream, projekt ky që implemntohet nga Zyra për Infomim Publik, me mbështetje të fuqishme të kryetarit Lutfi Haziri, e që është i pari në histori të institucioneve kosovare deri sot, thuhet në një njodftim të Komunës.

Kryetari i Komunës së Gjilanit, Lutfi Haziri, ka shprehur gëzimin për implementimin e projektit, duke thënë se transparenca është alfa dhe omega e qeverisjes së tij.

“Ky është njëri nga projektet shumë të rëndësishme që e kemi realizuar. I rëndësishëm është fakti që projekti ka kosto të ulët. Nëse më parë mbledhjet janë transmetuar vetëm në radio, transmetimi përmes kanalit Youtube është një mundësi shumë e mirë për qytetarët e Gjilanit për t’u informuar me kohë me zhvillimet brenda Kuvendit. Transparenca është alfa dhe omega e qeverisjes në Gjilan”, ka thënë Haziri.

Seanca e Kuvendit Komunal të Gjilanit nis të mërkurën në ora 10:00, ndërkaq mund ta ndiqni në kanalin zyrtar të Youtube “Komuna Gjilan”, sikurse edhe faqen zyrtare të internetit. /2L ONLINE/