Pas publikimit të aktgjykimit të Gjykatës Kushtetuese ka reaguar nënkryetari i AAK-së, Ardian Gjini, duke thënë se kjo gjykatë është kapur nga krimi. Ai në profilin e tij në “Facebook”, ka shkruar se qëndrimi i gjyqtarit amerikan Robert Carolan tregon se Kushtetuesja është kapur nga krimi.
Postimi i Gjinit në “Facebook”.
Qëndrimi i gjyqtarit Carolan dhe sqarimi i tij i tregojnë dy gjëra. Së pari, fakti që ai është tërhequr nga puna para se të fillojë interpretimi, me shpjegimin se është në pakicë, tregon se gjyqtarët tjerë e kanë “ditur” si do të veprojnë përkundër sqarimeve. Dhe së dyti, tregon se gjyqtarët e edhe gjykata janë kapur nga krimi. Kjo sepse e interpretojnë kushtetutën në mënyrë të gabueshme dhe jokonsistente, me qëllim, vetëm për ta ndihmuar krimin që e ka kapluar sistemin tonë shtetëror. Por kur i ke votat ka zgjidhje për gjithçka. Vetëm turpin nuk mund t’ia heqim askujt. Turpin le ta bartin për tërë jetën.