Gjilani shënon Ditën Ndërkombëtare të Sindromës Down, aktivitet simbolik

Në Ditën Ndërkombëtare të Sindromes Down, Qendra e Kujdesit Ditor “Pema” në Gjilan ne bashkëpunim me ëmbeltoren Kimi kanë shënuar këtë ditë me një aktivitet simbolik.

Falë punës së pa krahasueshme për 6 vite që ka bërë kjo qendër me fëmijët,  sot ata janë më të socializuar dhe të gatshëm për ndërveprim.

Kështu edhe në aktivitetin e sotëm, fëmijët janë angazhuar si puntorë të zellshëm të ëmbëltores, duke treguar aftësitë e tyre në hoteleri dhe duke u ndjerë të barabartë.

Në shenjë mbështetje këtij aktivitetit iu është bashkuar edhe drejtori i Arsimit në Gjilan, Nazim Gagica, për t’i stimuluar fëmijët qe sherbyen ju është ndarë nga një zarf.

I gjithë fitimi ditor i tri pikave të ëmbeltores Kimi i ndahet Qendrës së Kujdesit Ditor “Pema”, pasi është një nevojë e përditshme për përkrahje financiare.

Koordinatorja e Qendres “Pema”,  Ema Sallahu, uron që shembullin e mirë të pronarve të ëmbeltores Kimi ta ndekin të gjithë.