Gjilani pëson nga Dukagjini

Sot janë zhvilluar dy ndeshjet e para të javës së 11-të në Albi Mall Superligën e Kosovës në futboll, përfshirë ndeshjen Gjilani- Dukagjini, që e ka fituar skuadra mysafire.

Skuadra e Dukagjinit arriti ta mposhtë Gjilanin me rezultat 2:0. Altin Mërlaku shënoi në minutën e 4-të me një gol nga gjuajtja e lirë, ndërsa Basit Khalid vulosi fitoren për skuadrën mysafire në minutën e 84-të.

Kështu Gjilani, skuadër që tani po drejtohet nga trajneri Debatik Curri, u duk se po kthehet nga e mbara, pas një fitoreje dhe një barazimi, nën udhëheqjen e Currit, por se sot dëshpëroi dhe se, për momentin mbetet me 11 pikë në pozitën e 8-të, por se dy skuadrat e mëposhtme kanë të pazhvilluar lojën e kësaj jave.

Përndryshe, ndeshjet e tjera zhvillohen nesër, e ku takohen: Drenica-Drita, Llapi-Prishtina dhe Ferizaj-Prishtina e Re.  /2LONLINE/