/2L ONLINE/ – Nxënësit e klasave të pesta të komunës së Gjilanit i janë nënshtruar sot testit vlerësues të brendshëm, për të vlerësuar shkallën e diturisë së tyre, por edhe punën e mësimdhënësve. Drejtori i Drejtorisë Komunale të Arsimit, Nazmi Musa, ka vizituar sot nxënsësit, të cilëve u ka uruar sukses.
“Në nivel Republikë janë përgjedhur 3 komuna, në mesin e të cilave edhe Gjilani, për shkak se komuna e jonë gjithnjë e më tepër po tregon rezultate të larta në arsim. Organizata GIZ dhe MASHT, por edhe ne si DKA, kemi kërkuar që të bëhet ky test për të kuptuar se vërtetë sa është kontributi i mësimdhënësve dhe sa realizohet procesi mësimor. Nuk duam që nxënësit të dalin në klasën e gjashtë dhe të mos dijnë shkrim-lexim. Vlerësimet e sakta do të na jap ky test i brendshëm”, ka deklaruar Musa.
Ndryshe, 1339 nxënës të klasave të pesta të komunës së Gjilanit i janë nënshtruar këtij testi të brendshëm. /2L ONLINE/