Gjilani nuk ndalon, e mposhtë edhe Lepencin

(2L ONLINE)- Skuadra e Gjilanit nuk ka të ndalur, pasi ka mposhtur edhe kundërshtarin e radhës në misionin për tu rikthyer drejt elitës. Viktima e radhës ishte skuadra nga Kaçaniku, Lepenci e cila u gjunjëzua para gjilanasve me shifrat 2:1.

Gjilani edhe njëherë e dëshmoi se është kandidati kryesor për tu rikthyer në elite dhe tregoi se fitorja në udhëtim ndaj Ulpianës nuk ishte e rastësishme. Si mysafir gjilanasit mposhtën në mesjavë edhe Lepencin falë golave të realizuar nga Vllaznim Jashari dhe Visar Sermaxhaj në pjesën e parë.

Përkundër se pësuan një gol në pjesën e dytë gjilanasit nuk e rrezikuan asnjëherë fitoren duke arkëtuar kështu tri pikët e radhës.

Me këtë fitore, Gjilani kryeson e vetmuar në tabelë me maksimumin e pikëve ndërkohë që edhe në javën e ardhshme do të jetë si mysafir në ‘konakun’ e Rahovecit. /2L ONLINE/

/foto arkivi/